Fresenspoort

Well meent, dat Oostfresen blot sowat as Wattwannern un Teebüdelsmieten as Spoortaarden kennen, de is man neet so klook.

In d’ Loop van de Jahrhunnerten hebben de Fresen hör egen un leep raren Spölen utklabüstert. Wenn se daar denn bi an’t Spölen bünd, deer is daar nix to marken van de spreekwoordelk Kalmte van de nordiske Minsken. Een paar van disse Spoortaarden willen wi hör nu vörstellen:
 

	Dat Boßeln is wall meest bekennt van de Spoortaarden an d’ Waterkant. Mennig Lüü, de mit hör Auto unnerwegens wassen, hebben daar al van wat mitkregen.
	Dat Klootscheten is wall de ollste Spoordaard. Mennig een meent, dat daar all de Römers hör Wark mit harren.
	Dat Pultstockspringen was in verleden Tieden de beste Wies för dat Reisen in Oostfreesland, waar sük en Sloot achter d’ anner döör’t Land trecken deit. Spektakel un Mallpläseer liggen bi dit Spoort faken dicht binanner.
	Dat Kreierrennen is een Spoort ut dat Watt. De Kreiers wassen egentlik en Arbeidsreedskupp för de Fiskers, man vandag worden daar blot noch Rennen mit maakt.