Boßeln

“Gesprochen wurde von all den Menschen wenig; nur wenn ein Kapitalwurf geschah, hörte man wohl einen Ruf der jungen Männer oder Weiber; oder von den Alten einer nahm seine Pfeife aus dem Mund und klopfte damit unter ein paar guten Worten dem Werfer auf die Schulter…”

(ut Theodor Storm sien “Schimmelridder”)

“Lüch up un fleu herut”

Well för’t eerste Maal na Oostfreesland, de findt ehrder of later en Schild an d’ Straat, waar “Achtung! Boßeln!” up steiht.
Denn düürt dat meest ok gaar neet lang, denn komen’s al: Heel en Bült Oostfresen, en paar mit lang Holtstaken in d’ Hannen, un all kieken up en lüttje Holtkugel, de so fell over d’ Straat löpt, dat du bang worden kunnst..

Boßeln is neet so oll as dat Klootscheten un eerst achter de Utboo van de Straten in’t 19. Jahrhunnert so recht unner de Lüü komen.
Dat is wall so, dat dat dat Kegeln heruut entwickelt wurr. Man in Oostfreesland gaf dat kien Kegelbahnen, un so wurr dat toeerst vör de Weersthusen up de Straten spöölt. De Lüü hebben daarbi faken so vööl suupt, dat de Boversten (faken van d’ Kark) verbeden deen. Man de Oostfresen harren dat Spööl nu all so leev, dat se nu up de Straten buten de Logen un Dörpen spöölden – so as dat vandag noch is
Siet dat Grünnen van de “Freeske Klootscheterverband” 1902 wurr dat Boßeln en Spoort wiss för elk un een. Vandag gift dat twee Lannesverbannen (Oostfreesland un Ollenbörg) un mennig Kreisverbannen, war elke Mesterskuppen utdragen worden. Tosamen mit Lüü ut Irland, de Nederlannen, Italien un Sleswig-Holstein gift dat sogaar Europamesterskuppen in ‘t Boßeln.